Përshkrim i Iniciativës

PROGRAMI I INTERNSHIPEVE:

Në kuadrin e programit YEM – Youth Employment and Migration të ndërmarrë nga Kombet e Bashkuara, iniciativa në lidhje me internship-et/praktikat do të zbatohet në kontekstin e partneriteteve publik dhe privat (Public Private Partnership - PPP). Të administruara nga programi YEM, skemat e praktikave do të zbatohen në bashkëpunim të ngushtë me sektorin privat. Kjo iniciativë do të përfshijë Rrjetin e Studentëve Shqiptarë në Botë (AS@N), Dhomën e Tregtisë dhe Industrisë Britanike dhe Shqiptare (ABBCCI), Dhomën e Tregtisë dhe Industrisë Tiranë,  Unionin e Dhomave të Tregtisë dhe Industrisë së Shqipërisë, Shoqata e Sipërmarrësve Italianë në Shqipëri (AIIOA), shoqata të sipërmarrësve shqiptarë e të huaj, Programin YEM dhe kompani private në të gjithë Shqipërinë. 

Përse Praktika / Internship-e?

Praktikat janë një periudhë e trajnimit profesional që synon të orientojë studentët drejt vendit të punës, ndërkohë që janë në përfundim të studimeve të tyre. Praktikat janë mjaft të rëndësishme për studentët të cilët bëjnë një zgjedhje të informuar në lidhje me fushën në të cilën ata do të ndërtojnë karrierën e tyre pas diplomimit në universitet.  Qëllimi i një praktike është forcimi dhe zhvillimi i  aftësive profesionale të studentëve/të sapodiplomuarve. Gjatë praktikës studentët/të sapodiplomuarit mund të përballen me lidhjet ndërpersonale me kolegët dhe mbikqyrësit të tij/saj, të cilat janë mjaft të rëndësishme për ndërtimin e një karriere të suksesshme. 

Praktikat lehtësojnë jo vetëm zgjedhjen e karrierës së studentëve, por dhe të punëdhënësit mbi individin që i përshatet më mirë kompanisë. Punëdhënësit do të përfitojnë gjithashtu nga njohuria dhe praktika perëndimore që kanë përfituar studentët/të sapodiplomuarit jashtë vendit.

Objektivi i kësaj iniciative është të përmirësojë kapacitetet, gatishmërinë për punë dhe aftësimin e të rinjve studentë/të sapodiplomuar jashtë për integrimin e tyre në ekonominë shqiptare.  Përmes internship-eve/praktikave, projekti do të mbështesë gjenerimin e punësimit të qëndrueshëm dhe të ardhura për të sapodiplomuarit shqiptarë jashtë vendit. Ne kuader te lehtesimit dhe krijimit te infrastruktures te rikthimit ne atdhe te studenteve/te diplomuarve jashte Shqiperise, si dhe integrimit te tyre ne tregun shqiptar te punes, iniciativa e internshipeve, e implementuar ne kontekstin e partnershipeve publike dhe private (PPP), do te realizohet nepermjet kesaj faqeje duke mundesuar realizimin e prAktikave ne bashkepunim te ngushte me sektorin privat dhe te rinjte. Nepermjet skemave te internshipeve do te mundesohet gjenerimi i alternativave te punesimit per te sapodiplomuarit shqiptare jashte vendit dhe nje kontakt i vazhdueshem i tyre me tregun e punes.

* * * *

HARTA E STUDENTEVE

Ne kuadrin e programit te punesimit rinor YEM, kjo iniciative synon te identifikoje vendodhjen dhe kualifikimet perkatese te te rinjve shqiptare te cilet studiojne apo jane diplomuar jashte vendit, nepermjet hartes se te rinjve shqiptare ne bote. Duke u regjistruar dhe duke u bere pjese e kesaj harte, te rinjte shqiptare qe studiojne apo jane diplomuar jashte vendit do te kene mundesi te krijojne profilin e tyre akademik dhe profesional, duke qene ne kontakt te drejteperdrejte me kompanite apo institucionet e ndryshme dhe duke u informuar vazhdimisht mbi te rejat e fundit dhe tregun e punes ne Shqiperi.