Tryezë e Rrumbullakët për Punësimin e të Rinjve

Rrjeti i Studentëve Shqiptarë në Botë, AS@N ka organizuar sot, Tryezën e Rrumbullakët “Punësimi i të Rinjve – Iniciativa, Arritje, Sfida”. Gjatë kësaj tryeze te kryesuar nga Zv. Ministri i Punes, Ceshtejeve Sociale dhe Shanseve te Barabarta, u zhvilluan diskutime mbi një nga cështjet me më shumë interes për të rinjtë dhe për ekonominë Shqiptare në përgjithësi, sic është punësimi i të rinjve dhe vecanërisht në lidhje me iniciativat për rikthimin e trurit dhe përfshirjen e të diplomuarve jashtë vendit në tregun e punës.

Gjatë tryezës, u lancua faqja e internetit www.punesimirinor.com nëpërmjet së cilës do të implementohet Skema e Internshipeve për të diplomuarit jashtë vendit dhe Harta e studentëve/të diplomuarve shqiptarë jashtë vendit, iniciativë e Kombeve të Bashkuara dhe Programit për Punësimin dhe Migrimin e të Rinjve (YEM) e implementuar nga AS@N. Me pjesëmarrjen e aktorëve të ndryshëm nga institucione publike e private, përfaqësues të organizatave rinore, studentë e të diplomuar jashtë vendit, kjo tryezë synoi te japë një kontribut konkret në diskutimin e gjerë, iniciativat e ndërmarra dhe sfidat e së ardhmes në lidhje me punësimin e të rinjve.



Nepermjet skemes se internshipeve, ne vijim te suksesit te iniciativave tashme 5 vjecare te AS@N "Internship - Rikthim dhe Punesim" ne kuadrin e Programit per Punesimin dhe Migrimin e te Rinjve (YEM) te Kombeve te Bashkuara, kete vit u mundesohet te rinjve qe sapo kane mbaruar studimet jashte vendit, kryerja e praktikave ne sektorin privat, si dhe identifikimi i tyre dhe kontakti direkt me kompanite gjate qendrimit te tyre jashte vendit nepermjet hartes se studenteve shqiptare ne bote. Kjo iniciative do te perfshije rreth 100 te sapo diplomuar jashte te cilet deshirojne te kthehen ne Shqiperi per te kryer internship-e ne kompani te ndryshme private. Ne kuader te lehtesimit dhe krijimit te infrastruktures te rikthimit ne atdhe te studenteve/te diplomuarve jashte Shqiperise, si dhe integrimit te tyre ne tregun shqiptar te punes, iniciativa e internshipeve, e implementuar ne kontekstin e partnershipeve publike dhe private (PPP), do te realizohet nepermjet kesaj faqeje duke mundesuar realizimin e parktikave ne bashkepunim te ngushte me sektorin privat dhe te rinjte. Nepermjet skemave te internshipeve do te mundesohet gjenerimi i alternativave te punesimit per te sapodiplomuarit shqiptare jashte vendit dhe nje kontakt i vazhdueshem i tyre me tregun e punes.

Ne kuadrin e programit te punesimit rinor YEM, kjo iniciative synon gjithashtu te identifikoje vendodhjen dhe kualifikimet perkatese te te rinjve shqiptare te cilet studiojne apo jane diplomuar jashte vendit, nepermjet hartes se te rinjve shqiptare ne bote. Duke u regjistruar dhe duke u bere pjese e kesaj harte, te rinjte shqiptare qe studiojne apo jane diplomuar jashte vendit do te kene mundesi te krijojne profilin e tyre akademik dhe profesional, duke qene ne kontakt te drejteperdrejte me kompanite apo institucionet e ndryshme dhe duke u informuar vazhdimisht mbi te rejat e fundit dhe tregun e punes ne Shqiperi.