PËRSHKRIMI I AS@N

Albanian Students Abroad Network - Rrjeti i Studentëve Shqiptarë në Botë, AS@N, është një rrjet virtual i të rinjve shqiptarë të cilët studiojnë apo janë diplomuar jashtë vendit. Qellimi i AS@N është zhvillimi i rrjetit gjithëpërfshirës i intelektualëve të rinj shqiptarë që studiojnë, janë diplomuar apo punojnë jashtë Shqipërisë si një instrument që influencon dhe realizon zhvillimin e politikave që orientojnë investimin e të ardhmes së të rinjve shqiptarë në Shqipëri apo për Shqipërinë aty ku ndodhen.

Misioni kryesor i AS@N është nxitja dhe lehtësimi i integrimit në realitetin Shqipëtar të intelektualëve të rinj, si dhe krijimi i infrastrukturës së bashkëpunimit të të rinjve shqiptarë me strukturat private dhe publike për të shfrytëzuar optimalisht potencialin dhe energjinë e tyre për zhvillimin e vendit në të gjitha aspektet dhe fushat përkatëse.

Suksesi i AS@N si rrjeti më i madh rinor shqiptar, vjen si rezultat i një strukture horizontale vendimarrje dhe veprimi, ku cdo i ri shqiptar që jeton jashtë atdheut, kudo në botë, por edhe ata që jetojnë brënda vëndit, mund të kontribuojnë në mënyrë reale dhe praktike në arritjen e qellimeve të perbashkëta. Koordinatorët e ndryshëm në shtete dhe qytete të botës, janë pika kryesore e kontaktit për anëtarët e AS@N në vëndet përkatëse, në mënyrë që ky rrjet të jetë sa më pranë nevojave reale të të rinjve shqiptarë kudo që ata ndodhen.

GJENERATORI I IDEVE AS@N:





OBJEKTIVAT E PËRMBUSHURA NDËR VITE:


Në implementimin e disa prej objektivave të tij, AS@N prej më shumë se shtatë vitesh, ka kontribuar në krijimin dhe implementimin e politikave dhe strategjive për « thithjen e trurit » dhe për nxitjen e iniciativave për « qarkullimin e trurit » duke e kthyer largimin e të rinjve për të studiuar, punuar dhe jetuar jashtë vendit në një aspekt pozitiv, si një potencial intelektual gjithëpërfshirës i rëndësishëm për zhvillimin e vendit.

Disa prej aktiviteteve më të shpeshta të AS@N kanë patur në fokus, nxitjen dhe promovimin e iniciativave për punësimin e të rinjve të diplomuar brenda dhe jashtë vendit, si dhe promovimin e kulturës së internship-it në institucionet shtetërore dhe në sektorin privat në bazë të modeleve perëndimore, si dhe informimin e të rinjve për t’u integruar në tregun e punës.

Nëpërmjet koordinatorëve dhe mijëra të rinjve anëtarë, AS@N ka qënë i pari organizëm në Shqipëri, që ka mundësuar ndërtimin e një sistemi informacioni dhe të një baze të dhënash kombëtare, për rregjistrimin e studentëve shqiptarë kudo që ndodhen, si dhe krijimi i hapësirave të nevojshme për komunikim dhe bashkëpunim efektiv midis të rinjve shqiptarë brenda dhe jashtë Shqipërisë, duke lehtësuar kështu edhe integrimin e të rinjve shqiptarë në zhvillimin e mbarë rajonit nëpërmjet iniciativave të ndryshme shumëpalëshe, si dhe përfaqësimin e Shqipërisë në aktivitete të ndryshme ndërkombëtare nga profesionistë të rinj.

Nëpërmjet aktiviteteve të ndryshme gjatë viteve është investuar edhe në rritjen e ndjenjës së përkatesisë kombëtare dhe promovimin e imazhit shqipëtar në botë, në angazhimin e profesionistëve të rinj të diplomuar jashtë vendit, në aspektin ekonomik, kulturor, social, mjedisor, etj, duke kontribuar aktivisht në promovimin dhe zhvillimin e këtyre fushave për zhvillimin optimal të vendit, në zhvillimin dhe mbështetjen e iniciativave për barazinë gjinore, për të drejtat e njeriut dhe pjesëmarrjen gjithëpërfshirëse në proceset vendimarrëse, sipas modeleve perendimore, etj.